Canada from space activities- Inuktitut language

ᑲᓇᑕ ᓯᓚᕐᔪᐊᕐᒥᑦ

ᐅᓇ ᓄᓇᙳᐊᖅ ᓄᓇᕐᔪᐊᑉ ᓯᓚᑖᓃᑦᑐᖅ. ᑲᓇᑕᓯᓚᕐᔪᐊᒥᑦᓴᓇᓯᒪᕗᖅ ᐊᔾᔨᙳᐊᓂ ᐊᔾᔨᓕᐅᖅᑕᐅᔪᓂ ᑲᓇᑕᒥ ᖃᖓᑦᑕᖅᑎᑕᐅᓯᒪᔪᒥ ᕋᐃᑖᔅᑖᑦ-2-ᒥᑦ ᐊᒻᒪᓗ ᓯᕗᓪᓕᖅᐹᖑᕗᖅ ᑕᐃᒪᐃᑦᑐᓂᑦ. ᕿᒥᕐᕈᐊᕈᒃ ᖃᓄᖅ ᓄᓇᕐᔪᐊᒥᒃ ᖁᙱᐊᖅᑎᐅᔪᑦ ᖃᖓᑦᑕᖅᑎᑕᐅᓯᒪᔪᑦ ᓇᐅᑦᑎᖅᓱᖅᐸᖕᓂᖓᓂ ᑲᓇᑕᒥ ᐊᒻᒪᓗ ᐊᑐᖅᑕᐅᔪᓐᓇᖅᑐᖅ ᓴᐳᔾᔨᓯᒪᓂᕐᒧᑦ ᐊᒻᒪᓗ ᐸᕐᓇᐃᓂᕐᒧᑦ ᑲᓇᑕᒥᐅᑕᓂᒃ. ᖁᓕᐅᔪᓂᑦ ᐃᓕᓐᓂᐊᕈᑎᓕᐅᖅᑕᐅᓯᒪᔪᓄᑦ-ᑲᑎᙵᓂᓕᖕᓂ ᖃᓄᐃᓕᐅᕐᓂᐅᔪᓂᑦ, ᐃᓕᓐᓂᐊᖅᑏᑦ ᐃᓂᑦᑎᓂᐊᖅᐳᑦ ᓯᕗᓪᓕᖅᐹᒥ ᖃᓄᖅ ᓱᕈᕐᓇᖅᑐᑦ ᐊᒻᒪᓗ ᓄᓇᒥᙶᖅᑐᓂ ᖃᓄᐃᓕᕐᓘᑕᐅᔪᓂᒃ ᐊᒃᑐᐃᕙᖕᓂᖏᓐᓂ ᓄᓇᖁᑎᑦᑎᓐᓂ, ᐱᒻᒪᕆᐅᓂᖓᓂ ᑲᓇᑕᐅᑉ ᐅᑭᐅᖅᑕᖅᑐᖓᓂ ᓯᑯᖓᓐᓂ, ᐊᒻᒪᓗ ᖃᐅᔨᓴᕐᓂᒃᑯᑦ ᑲᒪᓄᖅᑐᒥᒃ ᐊᖅᓴᕐᓂᓂᑦ. ᐱᕕᒃᓴᖃᕐᓂᐊᕆᕗᑦ ᑕᑯᓂᕐᒥᑦ ᑲᓇᑕᒥ ᓄᓇᕐᔪᐊᕌᓗᖕᒥ ᓯᓚᕐᔪᐊᓕᕆᕕᖓᓂ, ᐃᔨᐅᔪᒃᑯᑦ ᑲᓇᑕᒥ ᓯᓚᕐᔪᐊᓕᐊᖅᓯᒪᔪᒧᑦ ᑯᕆᔅ ᕼᐋᑦᑎᕕᐅᒃᑯᑦ.

ᐊᑐᐃᓐᓇᐅᓂᖓᓂ:

ᐱᔾᔪᑎᖃᖅᑐᒥ ᐃᖏᕐᕋᐃᓐᓇᖅᑐᒥ ᐱᔪᒪᓂᐅᔪᒥᒃ ᓄᓇᙳᐊᒥᒃ ᐊᒻᒪᓗ ᐃᑲᔪᖅᓯᖅᑕᐅᓂᖓᓂ ᑲᓇᑕᒥ ᓯᓚᕐᔪᐊᒥᒃ ᐱᔨᕆᔨᐅᔪᓄᑦ, ᑎᑭᑉᐸᓪᓕᐊᔪᓄᑦ ᐊᕐᕌᒍᓄᑦ ᑕᑯᓂᖃᕐᓂᐊᖅᐳᑦ ᐊᖏᔪᕐᔪᐊᕌᓗᖕᒥ ᓇᑎᕐᒥᐅᑕᒥᒃ ᓄᓇᙳᐊᒥᑦ ᐳᓚᕋᕐᓂᕐᒧᑦ ᑲᓇᑕᒥ ᓄᓇᓕᐅᔪᓄᑦ ᓄᓇᕗᒻᒥ, ᓄᓇᕕᒃ, ᓄᓇᑦᓯᐊᕗᑦ, ᔫᑳᓐ ᐊᒻᒪᓗ ᓄᓇᑦᓯᐊᕐᒧᑦ. ᒪᓕᒃᑐᑦ ᖃᓄᐃᓕᐅᕐᓂᐅᔪᑦ ᓴᖅᑭᑎᑕᐅᓯᒪᕗᑦ ᑐᕌᖓᓂᖃᖅᖢᓂ ᑕᐃᒃᑯᓄᖓ

ᐃᓕᓐᓂᐊᖅᑎᓄᑦ ᓄᓇᖃᖅᑐᓄᑦ ᓄᓇᕗᒻᒥ. ᐊᔭᐅᕆᕙᕗᑦ ᐃᓕᓴᐃᔨᓂᑦ ᐊᑐᕐᓂᕐᒧᑦ ᐱᒋᐊᕈᑕᐅᓗᓂ ᓄᓇᙳᐊᒧᑦ ᐊᒻᒪᓗ ᐃᑲᔪᕐᓂᕐᒧᑦ ᐃᓕᓐᓂᐊᖅᑎᓂᑦ ᓱᖏᐅᔾᔨᓂᖏᓐᓂ ᐅᖓᓯᒃᑐᒥ ᖃᐅᔨᓴᐃᓂᐅᔪᓂᑦ.

ᓇᑎᕐᒥ ᓄᓇᙳᐊᑉ ᐊᖏᓂᖓ:

ᓇᑎᕐᒥ ᓄᓇᙳᐊᖅ ᐊᐅᓪᓚᖅᑎᑕᐅᓂᐊᖅᐳᖅ ᐊᖏᔪᒥᒃ ᐴᖓᔪᒥᒃ ᐃᓗᓕᓕᖕᓂ ᖁᓕᓂᒃ ᖃᓄᐃᓕᐅᕐᓂᐅᔪᓄᑦ.
ᓇᑎᕐᒥ ᓄᓇᙳᐊᖓ ᐊᖏᓂᖓ: 10.7 m (35′) x 7.9 m (26′)

ᖃᓄᐃᓕᐅᕐᓂᓄᑦ ᐴᖑᔪᖅ ᐃᓚᖃᖅᐳᖅ:

ᐃᓕᓴᐃᔨᒧᑦ ᒪᓕᒐᒃᓴᖏᓐᓂ
- ᐅᖃᐅᓯᒃᓴᓂ ᑲᓇᑕᐅᑉ ᐆᒻᒪᖅᑯᑎᓕᕆᓂᖏᓐᓄᑦ ᓄᓇᖓᓐᓂ
- ᐸᐃᑉᐹᓕᐊᖏᓐᓂ ᑎᑎᕋᖅᓯᒪᔪᓂᒃ ᑕᒪᒃᑭᓂᒃ ᖃᓄᐃᓕᐅᕐᓂᐅᔪᓄᑦ.
ᐱᔭᕆᐊᖃᖅᑐᓕᒫᑦ ᓱᓇᒃᑯᑖᓂᒃ ᖁᓕᓄᑦ ᖃᓄᐃᓕᐅᕐᓂᐅᔪᓄᑦ (ᖃᕋᓴᐅᔭᑎᒍᑦ ᓴᖅᑭᑎᑦᑕᕆᐊᓖᑦ ᐊᑖᓂ)
ᓯᐊᒻᒪᖅᑎᑦᑎᓂᕐᒧᑦ ᐱᓕᕆᔾᔪᑎᑦ (ᑖᓐᓇ ᖃᕋᓴᐅᔭᑎᒍᑦ ᓇᒃᓯᐅᔾᔭᐅᓂᐊᖅᐳᖅ ᐃᓕᖕᓄᑦ ᐱᔭᕇᕈᔅᓯ ᑐᒃᓯᕋᕐᓂᕐᓂᑦ)
- ᐸᐃᑉᐹᓕᐊᖏᓐᓂ ᑎᑎᕋᖅᓯᒪᔪᓂᒃ ᑐᓴᒐᒃᓴᓕᐊᖑᔪᒥᒃ ᐊᒻᒪᓗ ᖃᓄᐃᑉᐸᓚᐅᕐᓂᖏᓐᓄᑦ ᐅᖃᐅᓯᒃᓴᓂ
- ᑎᑎᕋᖅᓯᒪᓂᐅᔪᓂᒃ ᐱᓕᕆᓂᐅᔪᓂᒃ ᓯᐊᒻᒪᖅᑎᑦᑎᔨᓄᑦ ᑕᑯᔭᐅᓂᐅᔪᓄᑦ